Орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымыз
Геннадий Головкин жыл соңына дейін тағы бір жекпе-жек өткізуі мүмкін. Ал қарсыласы кім болмақ?
Қазіргі таңда Геннадий Головкинмен жұдырықтасқысы келетін боксшылар бар, Гена жұдырықтасқысы келетін боксшылар бар. Қазақстандық боксшының командасы отандасымыздың алдағы жекпе-жектеріне қарсыластар қарастыруда. CBS Sports тілшісі
Лайло Фитцсиммонс GGG командасының алдағы жоспарларымен бөлісті.
Геннадий Головкиннің келесі қарсыласы атануы мүмкін екі боксшы бар. Оның бірі – WBO тұжырымы бойынша әлем чемпионы атағына ие британдық
Билли Джо Сондерс (25-0, 12 КО). Екіншісі – бірінші орта салмақта WBO тұжырымы бойынша әлем чемпионы пуэрто-рикалық
Мигель Котто.
- Маған Головкиннің промоутері келесі жекпе-жегі желтоқсан айында өтетінін айтты. Ал Канеломен болатын екінші жекпе-жекті келер жылдың мамыр айына жоспарлап отыр екен. Сондай-ақ Сондерс жекпе-жек үшін қомақты сыйақы сұрауда. Ал Котто жайында «мұны түсіндірудің бір-ақ жолы бар», - деп жазды Лайло Фитцсиммонс.
Айта кетейік, Геннадий Головкин осы жылы екі жекпе-жек өткізді. 18 наурыз күні АҚШ-та америкалық боксшы
Дэниель Джейкобсты жеңсе, кеше мексикалық боксшы
Сауль "Канело" Альвареспен тең түсті.
Жарнама