Фредди Роуч: "Канелоның" қорғанысы әлсіз және ол Головкинді дұрыс бағала алмай жүр

Геннадий Головкин. © boxingscene.com

Америкалық маман, әйгілі бапкер Фредди Роуч 16 қыркүйекте өтетін жекпе-жекте орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мексикалық боксшы Сауль "Канело" Альваресті (49-1-1, 34 КО) төрешілердің шешімімен жеңіске жетеді, - деп хабарлайды vRINGe.com.

"Бұл таңғажайып кездесу, 16 қыркүйекті асыға күтудемін, - деп жазады BoxingScene Роучтың сөзін. - Мен GGG жеңіске жетеді дегенге сенемін. Бірақ көптеген адамдар Альварестің фаворит екенін айтады".

Роуч Головкиннің соңғы жекпе-жегіне көңілі толмайтынын айтады: "Головкин соңғы жекпе-жегінде жай сөзбен айтқанда өзін көрсете алмады. Бірақ ол орта салмақтағы ең мықты боксшылардың бірін жеңді. Головкиннің Джейкобспен кездесуін көріп алған "Канело" өз қарсыласын дұрыс бағалай алмауы мүмкін".

Керісінше мексикалықтың соңғы жекпе-жектері жақсы әсер қалдырған. Соған қарамастан Альвареске сенім артуға болмайтынын айтты: Иә ол шынымен де солай. Ханмен де Чавеспен де өткен жекпе-жегінен Альварестің тәжірибесі нығайғанын байқауға болады. Бірақ салыстырмалы түрде алғанда "Канело" Головкиннен әлі де төмен".

Еске салайық, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық The Ring журналының белбеуін бәске тігеді.

Әлеуметтік желілерде бөлісу