Головкин - Альварес жекпе-жегінің төрешілері анықталды

АҚШ-тың Невада штатындағы Атлеттер комиссиясы 16 қыркүйекте Лас-Вегаста қазақстандық Геннадий Головкин мен мексикалық Сауль "Канело" Альварес арасында өтетін жекпе-жекке реферилерді тағайындады, - деп хабарлайды BoxingScene.com.

Шаршы алаңда жүріп төрелік ететін америкалық тәжірибелі рефери Кенни Бейлис болды. Жекпе-жекті америкалық төрешілер бригасы қызмет атқарады - Эделейд Берд, Дэйв Моретти (екеуі де Невада штатынан) және Дон Трелла (Коннектикут).

Кейбір фанаттар жекпе-жекті төрешілер шешетін болса Лас-Вегаста Головкинге жеңісті бермеуі мүмкін. Олардың қауіпіне себеп бар.

2014 жылы Лас-Вегаста Альварес Эрисланди Ларамен өткізген жекпе-жегінде тең түскен еді, алайда төрешілер жеңісті мексикалыққа беріп жіберді. 2013 жылы Мейвезер мен өткен кездесуде бір төреші тең ұпай берген, бірақ Мейвезердің басымдылығы айқын болған еді.

Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу