Бүкіләлемдік бокс қауымдастығы (WBA) Caribe Promotions компаниясын ауыр салмақтағы regular әлем чемпионы қазақстандық Бейбіт Шүменов пен осы салмақтағы уақытша чемпион атағына ие кубалық боксшы Юниер Дортикос арасындағы жекпе-жекті ұйымдастыру бойынша эксклюзив құқығынан айырды, - деп хабарлайды
Vesti.kz қазақ бөлімі BoxingScene.com басылымына сілтеме жасап.
Дортикостың мүддесін қорғайтын Caribe Promotions компаниясы промоутерлік сауданы (350 001 доллар) былтыр қарашада ұтып алған болатын. Осы арқылы олар жекпе-жекті үш ай ішінде өткізуге міндеттелген еді. Алайда WBA бірнеше рет сұраныс жасағанымен, еш дайындық жүргізілмеген. Оның үстіне Дортикостың командасы 11 ақпанға белгіленген жекпе-жекті кейінге шегеруді сұраған.
Осылайша, жекпе-жек өткізу құқығы промуотерлік сауда кезінде екінші болған Том Браунға (TGB Promotions компаниясы) өтті.
Еске салайық, Шүменов-Дортикос жекпе-жегінің жеңімпазы WBA ұйымының қазіргі "суперчемпионы" Денис Лебедевке міндетті қарсылас болады.
Жарнама