Руслан Мырсатаевтың Астанада өтетін бокс кешіндегі қарсыласы белгілі болды

9 қыркүйек күні елордамыз Астана қаласында өтетін бокс кешінде жұдырықтасатын аса ауыр салмақтағы боксшымыз Руслан Мырсатаевтың қарсыласы анықталды, деп хабарлайды Vesti.kz порталы Qazaq promotions компаниясының баспасөз қызметіне сілтеме жасап.

Бұл бокс кешінде отандасымыздың қарсыласы Майк Бологун болады. Америкалық боксшы кәсіпқой бокс шаршы алаңында 11 кездесу өткізіп, барлығында жеңіске жеткен. 8 кездесуінде ол қарсыластарын нокаутқа түсірген. . Бір айта кетерлігі, 33 жастағы боксшы бірінше рет АҚШ-тан тыс жерде жұдырықтасайын деп жатыр.

Ал Руслам Мырсатаев болса кәсіпқой бокста үш кездесу өткізіп, үшеуінде де жеңіске жеткен.

Айта кетейік, кеше бұл кеште жұдырықтасатын отандасымыз Жанқош Тұраровтың қарсыласы белгілі болған еді. Ол аргентинкалық Бруно Леонардо Ромэмен жұдырықтасады.

Еске салайық, Астанадағы бокс кешінің басты жекпе-жегінде бірінші орта салмақтағы WBO NABO және WBA Inter-Continental тұжырымдары бойынша әлем чемпионы Қанат "QAZAQ" Ислам (24-0, 19 КО) өз белбеулерін канадалық Брэндон Кукқа (18-0, 11 КО) қарсы өтетін жекпе-жекте қорғайды.

Одан бөлек, бұл бокс кешінде Жәнібек Әлімханұлы, Мейірім Нұрсұлтанов, Әли Ахмедов, Айдос Ербосынұлы, Димаш Ниязов және Нұрсұлтан Жаңабаев секілді отандастарымыз шаршы алаңға шығады.

Әлеуметтік желілерде бөлісу