Қазақстандық боксшы Геннадий Головкин (37-0, 33 КО) қыркүйекте болатын мексикалық Сауль "Канело "Альвареспен (49-1-1, 34 КО) жекпе-жектен не күтетінін айтып берді, - деп хабарлайды
Vesti.kz.
"Мен мұндай жекпе-жеті 20 жыл күттім. Альварес бұған дейін жұдырықтасқан жігіттерден бөлек. Ол мықты жігіт, нағыз чемпион. 16 қыркүйекте біз керемет бокс шоуын жасаймыз", - деп келтіреді Головкиннің айтқанын ESPN.
Мұның алдында Головкин "Канеломен" жекпе-жекке өте жақсы дайындықпен шығуы керектігі туралы айтқан. Өйткені Головкин Абель Санчес даярлаған жекпе-жек жоспарын толық жүзеге асырмақ ниетте.
Жекпе-жек Лас-Вегастағы 20 мың адам сиятын T-Mobile аренасында өтеді, ал билеттердің бәрі сатылып кеткен. Бокс кешін HBO арнасы ақылы трансляция жүесі арқылы көрсетеді.
Жарнама