Пакьяо мен Хорнның жекпе-жек үшін алатын сыйақылары белгілі болды

©Bloody Elbow

Жартылай орта салмақта WBO тұжырымы бойынша әлемнің жаңа чемпионы Джефф Хорн (17-0-1, 11 КО) филиппиндік Мэнни Пакьяоның (59-7-2, 38 KO) жекпе-жегі үшін алатын сыйақылардың мөлшері белгілі болды.

ESPN сарапшысы Дэн Рафаэльдің мәліметі бойынша, бұл жекпе-жек үшін Пакьяо нақты 10 миллион доллар алатын болса, Хорн бар болғаны 500 мың доллар алады.

Purses for #PacquiaoHorn: Pacquiao $10M minimum plus Filipino TV, Horn $500k and a piece of the gate. #boxing
— Dan Rafael (@danrafaelespn) 2 июля 2017 г.

Нақты белгіленген сыйақыдан бөлек, филиппіндік боксшы филиппиндік телеарнаға сатылған ақшаның пайызы тиесілі болса, Хорн болса билеттердің сатылымынан өз пайдасын алады.

2 шілдеде Аустралияның Брисбен қаласында Хорн ұпай санымен Пакьяоны жеңіп, оның WBO белбеуін иемденді. Боксшылар қарымта кездесу туралы келіскен.

Бұл 38 жастағы Пакьяо үшін карьерасындағы жетінші жеңілісі еді. Ал жалпы ол кәсіпқой бокста 59 жеңіске жетсе (38 нокаут), екі кездесуінде қарсыласымен тең түскен. 29 жастағы Хорн осы уақытқа дейін 17 кездесуде жеңіске жетсе (11 нокаут), бір рет тең түскен.

Әлеуметтік желілерде бөлісу