40 жастағы боксшымен жұдырықтасатыным жайлы ақпарат жалған - Әли Ахмедов

Әли Ахмедов

Қазақстандық кәсіпқой боксшы Әли Ахмедов (6-0-0, 4 КО) Vesti.kz тілшісіне берген сұхбатында өзінің америкалық 40 жастағы Брэд Остинмен жекпе-жек өткізеді деген ақпаратты жоққа шығарды.

"22 шілдеде жекпе-жек болады, алайда қарсыласым басқа боксшы. Нақты бұл боксшы емес. Бүгін жекпе-жекті ұйымдастырушымен сөйлестім. Ол осы спортшының менің қарсыласым еместігін айтты. Қателік кетті. Оны алдағы күндері алмастыратынын мәлімдеді", - деді боксшы.

Оның айтуынша, АҚШ-та 30 маусымға жоспарланған жекпе-жекте де оған қарсылас белгіленбеген. Ахмедовтың айтуынша, Миннеаполисте өтетін кездесуге билеттер сатылып қойған және ол жолға шығуға дайындалып жатқан көрінеді.

Еске салайық, 21 жастағы Ахмедов рингке 22 шілдеде шығатын болды. Boxrec.com сайтының мәліметінше, ол 40 жастағы америкалық Брэд Остинмен (Brad Austin) кездесу өткізеді деген мәлімет тараған болатын. Америкалық 36 жекпе-жегінде 12 рет жеңіске жеткен (9 КО) және 24 рет жеңіліске ұшыраған, оның тоғызы уақытынан бұрын аяқталған.

Әлеуметтік желілерде бөлісу