Головкиннің жанында Абель Санчес неге көрінбейді?

WBA, WBCпен IBF тұжырымдары бойынша әлем чемпионы Геннадий Головкин өзінің келесі қарсыласы - мексикалық боксшы Сауль Альвареспен бірге пресс-турды аяқтап, Лондон, Нью-Йорк пен Лос-Анжелесте баспасөз мәслихаттарын өткізді. Алайда осы жолы оның жанында бапкері Абель Санчес көрінбеді. Жанкүйерлер арасында оның «Канелоның» командасына ауысып кеткені туралы әңгіме тарай бастады.

"Жоқ, мен "Канелоның" командасына ауысқан жоқпын. Қызық, бірақ ол өсек-аяндар шындыққа келмейді. Мен үшін кері шегінудің қажеті қанша? Геннадийдің пресс-туры менің ұлымның тойымен тұспа-тұс келді. Қазір мен сонда жүрмін. Гавай аралдарынан бірнеше аптадан кейін ораламын. Сол кезде біз алдағы жекпе-жекке дайындық жұмыстарын бастаймыз",- деді Абель Санчес Boxingscene.com сайтына берген сұхбатында.

Айта кетейік, 16 қыркүйекте Лас-Вегастың "T-Mobile Arena" спорт кешенінде Головкин мен Альварес арасында көптен күткен жекпе-жек өтеді. Уақыт айырмашылығына байланысты Қазақстанда аталған жекпе-жек 17 қыркүйекте таңғы сағат 9:00-де көрсетіледі.

Әлеуметтік желілерде бөлісу