Ресейлік кәсіпқой боксшы Сергей Ковалев (30-1-1, 26 КО) америкалық Андре Уордпен (31-0, 15 КО) қарымта кездесу алдындағы ортақ баспасөз мәслихаты кезінде журналистер сұрағына жауап бермей қойды, - деп хабарлайды
"Р-Спорт".
"Менен не естігілеріңіз келеді? Мен айтарымды айттым. (Уордқа қарап) Ал сен дайындал", - деді Ковалев.
Өз кезегінде Уорд ресейлік боксшы оны таңдандырмағанын айтады.
Ковалев баспасөз мәслихатына War - соғыс деп жазылған бас киім киіп келген.
Еске салайық, боксшылардың қарымта кездесуі 17 маусымда Лас-Вегаста өтеді. Бұл жекпе-жекке Уорд Ковалевтен тартып алған жартылай ауыр салмақтағы IBF/WBA/WBO белбеулері тігіледі.
Жарнама