Аңыз болып кеткен "Рокки" фильмінің сценариін жазған әрі басты кейіпкерін сомдаған Голливуд жұлдызы Сильвестр Сталлоне Флойд Мейвезер мен UFC жұлдызы Конор МакГрегор арасындағы жекпе-жекте кім жеңетіні туралы өз ойын айтты.
"Мен әрқашан андердогтарды қолдаймын. Андердогтың жеңіске жеткені бокстағы ең керемет нәрсе. Конор МакГрегор - Рокки ғой, бірақ, шын өмірде", - деп келтіреді Сталлоненің айтқанын tofight.ru.
Еске салайық, жақында Мейвезер мен МакГрегор жекпе-жегі 26 тамызда Лас-Вегастағы T-mobile аренасында өтетіні белгілі болды. Жекпе-жек бокс ережелері бойынша өтеді және ақылы трансляция (PPV) арқылы көрсетіледі. БАҚ мәліметі бойынша, Мейвезер-МакГрегор кездесуінің жалпы табысы 500 миллион фунт (636 миллион доллар) болмақ.
Жарнама