Головкин VS "Канело": кімнің джебі мықты?

Golden Boy промоутерлік компаниясы бокс сүйер қауымға орта салмақтағы WBA(Super) IBО IBF WBC тұжырымдары бойынша әлем чемпионы Геннадий Головкиннің (37-0, 33 КО) мексикалық Сауль "Канело" Альварестің (49-1-1, 34 КО) джеб соққыларын салыстыруды ұсынды, деп жазады Vesti.kz порталы.

"Джекбтердің айқасы! Сіздің ойыңызша кімнің джебі мықты? "Канелоны" таңдасаңыздар ретвит, ал Головкиндің таңдасаңыздар "лайк"", - деп жазба қалдырды промоутерлік компания Твиттер парақшасында.

Battle of the jab!
Who do you feel has the better jab?
RT for @Canelo Like for @GGGBoxing #CaneloGGG Sept 16 pic.twitter.com/4ssdOiUObc
— GoldenBoyPromotions (@GoldenBoyBoxing) 14 июня 2017 г.

Қазіргі уақытта Головкинге 433 оқырман дауыс берсе, 181 көрермен "Канелоны" қолдаған.

Еске салайық, Головкин мен "Канело" арасындағы кездесу 16 қыркүйек күні 20 мың жанкүйерге арналған Лас-Вегастағы T-Mobile Arena аренасында өтеді. Бұл спорт кешенінде мексикалық боксшы екі рет жекпе-жек өткізсе, қазақстандық боксшы бірінші рет жұдырықтасады.

Жекпе-жекте Головкинге тиесілі төрт чемпиондық белбеудің барлығы ортаға салынады. Ал "Канело" болса The Ring журналының арнайы белбеуін қояды. HBO телеарнасы кездесуді ақылы жүйе бойынша (PPV) тікелей эфирде көрсетеді.

Әлеуметтік желілерде бөлісу