Головкинмен жекпе-жек аяқталғанда менің дәуірім келгенін бәрі түсінеді - Альварес

Сауль Альварес. © Yahoo Sports

Мексикалық боксшы Сауль "Канело" Альварес (49-1-1, 34 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкинді (37-0, 33 КО) жеңетініне және осылайша әлемнің үздік боксшысы екенін дәлелдейтініне сенімді.

"Жанкүйерлеріме бүгінде мүмкін болып отырған ең үздік жекпе-жек сыйлау үшін T-Mobile Arena-ға оралғаныма қуаныштымын. Мен ешкімнен қорықпайтынымды талай айтып келемін, Головкинмен шаршы алаңға шыққанда да осыны дәлелдеймін. Соңғы гонг соғылғанда, менің дәуірім келгенін бәрі түсінетін болады, бүгінде менің үздік боксшы екенім бәріне аян болады", - дейді "Канело" boxingscene.com басылымына берген сұхбатында.

Айта кетейік, кеше арасындағы жекпе-жек Лас-Вегаста (АҚШ, Невада) өтетіні ресми түрде жарияланды. "Канело" - Головкин жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтетінін ресми түрде хабарлаймын. Жанкүйерлер үшін керемет бокс кеші болмақ!" - деп жазды Том Леффлер Twitter желісіндегі парақшасында.

Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу