Головкин - "Канело" кездесуі бокс тарихындағы ең табысты жекпе-жек болуы ықтимал

©boxingscene.com

16 қыркүйек күні өтетін WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен Сауль "Канело" Альварес (49-1-1, 34 КО) арасындағы кездесу бокс тарихындағы ең табысты жекпе-жек болуы мүмкін.

Forbes журналының мәліметі бойынша егер Golden Boy Promotions компаниясының басшысы Оскар Де Ла Хойяның болжаған PPV сатылымдары дәл келетін болса, онда бұл кездесу бокс тарихындағы ең табысты жекпе-жек болуы ықтимал.

""Канело" мен Чавес мамыр айындағы жекпе-жегін ақылы түрде миллион адам көрермен тамашалағаннан кейін, қыркүйектегі Головкин мен "Канело" арасындағы жекпе-жегі үш миллион сатылым жинауы мүмкін", - дейді Де Ла Хойя Fight Hub TV порталына берген сұқбатында.

"Егер "Канело" мен Головкин кездесуінің ақылы сатылымы үш миллионнан асатын болса, онда бұл кездесу кіші Флойд Мейвезер мен Мэнни Пакьяо арасындағы өткен кездесуден кейін (4,6 миллион PPV) екінші орынға жайғасуы мүмкін", - деп жазады басылым.

Ал өз кезегінде танымал рефери, бүгінгі уақытта ESPN арнасында сарапшы болып қызмет атқарып жүрген Джо Кортес бұл кездесу Лас-Вегас қаласында өтетінін айтып, Мейвезер - Пакьяо жекпе-жегінің көрсеткішінен асып түсетінін айтты.

Әлеуметтік желілерде бөлісу