Қанат жеңілем деп қорықпасаң - жұдырықтасайық - Патрик Аллотей

Патрик Аллотей. © Vesti.kz

Ганалық кәсіпқой боксшы Патрик Аллотей Vesti.kz тілшісіне берген сұхбатында қазақстандық Қанат Исламмен қарымта кездесуді талап етті.

- Қазір мен 9 маусымға белгіленген жекпе-жекке дайындалып жатырмын. Кедесу 10 раунд болады. Қарсыласым да ганалық.

- Чемпиондық атақ үшін қашан жұдырықтасасыз?

- Мен мұны ойлағанмын, алайда, Қазақстандағы әділсіз жекпе-жектен кейін бақа жекпе-жекті ойлау қиын. Менеджерім екеуміз бірнеше мүмкіндікті қарастырдық.

Мен Қанатпен қарымта кездесуді қалаймын. Ол қыркүйекте Қазақстанда бокс кешін өткізетінін білемін. Мүмкіндік берсе болды, міндетті түрде пайдаланымын. Дұрыс төрелік және ең бастысы дұрыс қолғап болса болғаны. Өткен жолы қолымды қатты жарақаттадым. Қалай болғанда да мен Қанатты жекпе-жекке шақырамын! Егер менен ұтылып қалудан қорықпасаң - жұдырықтасайық.

Айта кетейік, Ислам-Аллотей жекпе-жегі 29 қазанда Алматыда өткен болатын. Кездесу барлық 12 раундқа созылып, төрешілер шешімімен (117-111 және екеуі - 116-112 ұпай) қазақстандық боксшы жеңіске жеткен болатын. Жекпе-жектен кейін Аллотейдің бапкері мұны бассыздық деді, ал боксшының өзі көз жасын тыя алмады.

Белгілі қазақстандық промоутер Болат Манкенов боксшылар сапасыз қолғаппен жұдырықтасқанын мәлімдеген болатын.

Әлеуметтік желілерде бөлісу