Головкиннің бапкері Сондерспен жекпе-жек туралы айтып берді

Геннадий Головкиннің бапкері Абель Санчес қазақстандық боксшының орта салмақтағы WBO тұжырымы бойынша чемпион Билли Джо Сондерспен жекпе-жегі не боларын айтты, - деп хабарлайды Vesti.kz.

"Бәрі "Канеломен" жекпе-жектің қалай аяқталатынына байланысты. Егер халық мексикалық боксшымен жекпе-жекті қайтадан көргісі келсе, Альвареспен қайта жұдырықтасу керек болады", - дейді Санчес ESNews басылымына берген сұхбатында.

Еске салайық, Головкин мен Сондерстің өкілдері жекпе-жек өткізу туралы келіссөз жүргізген еді. Бұл кездесу Қазақстанда өтеді деп жоспарланған болатын. Алайда Головкиннің командасы бұл жекпе-жектен бас тартып, бар күшті Сауль "Канело" Альвареспен болатын жекпе-жекке жұмылдыру керек деген шешімге келді.

Дегенмен қазақстандық боксшының промоутері Том Леффлер Головкин өзіне жетпей тұрған WBO белбеуінен бас тартпағанын, бұл оның мақсаты болып қала беретінін айтқан.

Ал Сондерстің өзі жыл соңына дейін не Головкинмен, не Альвреспен жұдырықтаспақ ниетте. Оған дейін Сондерске 8 маусымда грузиялық Автандил Хурцидземен жұдырықтасып, атағын қорғап қалуы керек.

Әлеуметтік желілерде бөлісу