Жартылай ауыр салмақта IBF тұжырымы бойынша әлем чемпионы Келл Брук жеңілгеніне қарамастан Геннадий Головкинмен болған жекпе-жектің өзі үшін өте пайдалы болғанын айтады, - деп хабарлайды
Vesti.kz.
"Жарақаттап кеткен қайдағы бір соққы болмағанда, біздің жекпе-жек немен бітерін көрер едім.
Бұл Головкин сияқты жыртқышпен жұдырықтасатын үлкен мүмкіндік еді. Жекпе-жектен кейін құлазып қалдым, бірақ, бұл бокс. Мен өзімді жақсы көрсеттім деп ойлаймын. Мен кімге де болса қарсы шығуға дайын екенімді дәлелдедім. Көпшілік маған құрмет білдірді, осы жекпе-жекке шығуға келісім беріп, жақсы жұдырықтасқаным үшін", - деп келтіреді RingTV арнасы Бруктың айтқанын.
Еске салайық, Головкин-Брук жекпе-жегі 2016 жылы Лондонда өткен. Бесінші раундта Бруктың командасы рингке ақ орамал тастап, жекпе-жек тоқтатылған боатын. Кейін Бруктың көз ұяшығы сынып кеткені белгілі болды.
Британиялық боксшының жаттықтырушысы Доминик Ингл Головкинмен жұдырықтасқаннан алған жарақатты жол апатынан болатын жарақатпен теңеді.
Жарнама