Абель Санчес Головкиннің орнын кім басатынын айтты

Геннадий Головкиннің бапкері Абель Санчес қазақстандық боксшы басқа салмаққа өткен кезде оның орнын кім басатынын айтты, - деп хабарлайды Vesti.kz.

Оның сөзінше, Головкиннің орнын Дэниэл Джейкобс (32-2, 29 КО) басуы мүмкін. Америкалық Головкинге қарсы 12 раунд тұрып берген алғашқы қарсылас болды.

"Соңғы жекпе-жек орта салмақтағы екінші орындағы ең мықты боксшымен өтті. Геннадий 160 фунт салмаққа өткенде Джейкобс орта салмақта басым болатынын көресіздер. Қарсылас іздеуде ол да біз сияқты қиналады. Ол ірі ғана емес, шебер жігіт. Сол жекпе-жекте мен барлығын да нокаутқа түсіру мүмкін еместігін түсіндім. Мен төрешілер шешіміне де, Головкин қалай жұдырықтасқанына да риза болдым. Боксшылар 12 раунд жұдырықтаса алатынын білу керек, Головкин мұны өзіне дәлелдей алды", - дейді Санчес On the Ropes Boxing Radio эфирінде.

Мұның алдында бапкер Головкинге жекпе-жек алдында салмақ түсіруге тура келетіндігін айтқан. Ал салмақпен бірге күш те кетеді. Бапкердің айтуынша, Головкин әлі бар мүмкіндігін көрсеткен жоқ.

Әлеуметтік желілерде бөлісу