Букмекерлер Қанат Ислам - Норберто Гонсалес жекпе-жегіне болжам жасады

27 мамырда таңғы уақытта қазақстандық Қанат Ислам (23-0, 19 КО) мексикалық Норберто Гонсалеспен (23-8, 13 КО) кездеседі, - деп хабарлайды Vesti.kz.

Олардың жекпе-жегі АҚШ-тың Флорида штатындағы Бока-Ратон қаласында өтеді және олардың кездесуі бокс кешіндегі ең басты жекпе-жек болады. Жекпе-жек жеңімпазы WBO NABO "Солтүстік Америкалық өңірлік титул) және бірінші орта салмақтағы WBA Intercontinental тұжырымы бойынша белбеулерді иемденеді.

Осы кездесудің фавориті - 32 жастағы Қанат Ислам. Tennisi.kz букмекерлік компания сарапшыларының ойынша қазақстандық жеңеді дегенге - 1,15 коэфицент, тең нәтиже - 29, ал 32 жастағы Гонсалестің жеңісіне - 5,4.

Ислам - Гонсалес андеркартында жартылай орта салмақта өнер көрсететін 26 жастағы қазақстандық Жаңқош Тұраров (20-0-0, 14 КО) мексикалық 36 жастағы Густаво Гарибаймен (13-8-2, 5 КО) жұдырықтасады.

Қанат Исламның қатысуымен өтетін жекпе-жек 27 мамырда Астана уақытымен таңғы 06:00-де басталады. KazSport және "Қазақстан" телеарналары тікелей эфирден көрсетеді.

Әлеуметтік желілерде бөлісу