Айдос Ербосынұлы Фреди Роучтың залындағы жаттығулар туралы айтып берді

Қазақстандық кәсіпқой боксшы Айдос Ербосынұлы (5-0-0, 5 КО) Vesti.kz тілшісіне америкалық Дэвин Бучермен (6-1-0, 3 КО) болатын жекпе-жекке қалай дайындалып жатқанын және қандай тәсіл қолданатыны туралы айтып берді.

- Айдос, Дэвин Бучермен жекпе-жегіңе айдан аз уақыт қалды. Дайындық қалай? Қай жерде, кіммен жаттығып жатырсың?

- Дайындық жақсы. Калифорнияда, Лос-Анджелесте. Фреди Роучтың залында.

- Бапкер кім?

- Эдуард Кравцов көмектесіп жатыр. Ресейден келген бапкер.

- 2016 жылғы Олимпиадаға Ресей құрамасын жаттықтырған бапкер ме?

- Иә.

- Айдос, қарсыласыңның рейтингі жақсы. Мықты жақтары туралы не білесің? Немесе қосал тұстары туралы?

- Иә. Қарсылас мықты. Америкалық бокс мектебінің әдеттегі өкілі. Қарсыласқа ыңғайланып жаттығамыз.

- Әдеттегі, маза бермейтін және қорғанысы мықты дегенің ба?

- Олар орташа қашықтықта жақсы. Қорғанысы да жаман емес.



- Жекпе-жек алдындағы Кравцов қандай ақыл айтып жатыр?

- Әзірге оны талқылаған жоқпыз, өйткені бапкермен жағдай әлі түсініксіз. Оған бізге көмектесуін сұрады, ол көмектесіп жатыр. Әрине, жақсы бапкер. Ары қарай не боларын көреміз.

- Ал өз тәжірибеңе сүйенсең, бұл жекпе-жекті қалай өткізу керек?

- Менің байқағаным, оң жақтан соққы тастайды. Оң қолын бақылауда ұстау керек. Оны бұрышқа қысып, жұмыс істеу керек. Басынан гөрі денесіне көбірек соққы жасау ақжет. 

Ал Фредди Роуч немесе басқа да танымал адамдармен араласуға мүмкіндік бар ма?

Иә, араласамыз, олар өте қарапайым.

- Роуч расымен сондай мықты маман ба?

- Мен онымен жұмыс істеген жоқпын. Жақсы да, жаман да пікір айта алмаймын. Бірақ оның Пакья мен Котто сияқты чемпиондарды тәрбиелегеніне қарап, ол жақсы маман деп ойлаймын.

Еске салайық, 25 жастағы Айдос Ербосынұлы орта салмақта жұдырықтасады. Ол кәсіпқой рингте бес рет жекпе-жек өткізіп, барлығында жеңіске жеткен. 17 маусымда ол Балтимордағы бокс кешінде америкалық Дэвин Бучермен жұдырықтасады.