Мейвезер Головкин туралы айта бергенімен, бокстан тәжірибесі жоқ МакГрегорды таңдап отыр

Boxing247.com порталының журналисі Кевин Читтенден (Kevin Chittenden) атақты флойд Мейвезердің қазақстандық Геннадий Головкин туралы айтқанына өз пікірін білдірді, - деп хабарлайды Vesti.kz.

Мейвезер соңғы сұхбаттарының бірінде елдердің Головкин десе естері шығатынына таңғалатыныдғын айтқан. Сонымен бірге, ол 40 жасқа келгеніне қарамастан GGG-ді жеңіл ұтатынын айта кетті.

"Мейвезер Головкинді оңай жеңетінін айтады да, өзі МакГрегорды - бокста тәжірибесі жоқ қарсыласты таңдайды. МакГрегор тіпті "джорнимен" деңгейіндегілерге де ұтылып қалады, ал Головкин оны жоқ қылады.

Егер Головкин Мейвезер үшін сондай әлсіз қарсылас болса, МакГрегор не болды? Меніңше, олардың жекпе-жегі PPV-индустриясына да, ММА ұйымына да зиянын тигізеді. Флойд пен МакГрегордың жұдырықтасуы қызығы жоқ, бір жақты жекпе-жекке айналғанда жанкүйерлер ашуға мінетіні сөзсіз.

Головкин Мейвезрдің басын жұлып алатын еді. Басына тигізе алмаса, денесінен ұрған соққылар арқылы америкалықтың қорғанысын күл-талқан қылады. Мейвезердің Мигель Котто (2012) және Маркос Майданамен (2014) болған жекпе-жектерін ескере отырып, ол Головкинді қазір де, бұрын да жеңе алмас еді деген пікірдемін. Ол аз уақыттан кейін сөзсіз нокаутқа түсетін еді.

Мейвезер Головкин туралы көп айтқанымен, онымен жұдырықтасқысы келмейді. Оның үстіне GGG туралы сұрамаса да айта береді. Осыдан Мейвезер Головкинге деген жанкүйерлердің сүйіспеншілігі мен бұқаралық ақпарат құралдарының жиі назар салуын қызғанады деген ойға келесің. Мейвезердің жекпе-жектері көруге қызық болса, ол да жанкүйерлер ризалығына бөленер еді.", - деп жазыпты автор.

Әлеуметтік желілерде бөлісу