Н'Жикам Муратаны тізе бүктіріп, Головкиннің міндетті қарсыласы атанды

Француз-камерундық боксшы Хассан Н'Дам Н'Жикам WBA нұсқасы бойынша орта салмақ дәрежесінде тұрақты әлем чемпионы атағы үшін өткен жекпе-жекте жапондық Риото Муратаны тізе бүктірді, деп жазады Vesti.kz тілшісі.

Бүгін Токио қаласында өткен кездесу 12 раундқа созылды. Төрешілердің шешімі бойынша Н'Жикам жеңіске жетті - 110-117, 115-112 және 116-111.

Осылайша, 33-жастағы Н'Жикама мансабындағы 36-шы жеңіске (21 нокаутпен) жетті. Сонымен бірге екі кездесуді тізе бүккен. Ал 31-жастағы 2012 жылғы Лондон олимпиадасының жеңімпазы алғашқы жеңілісіне ұшырап отыр. Бұған дейін 12 жекпе-жек өткізіп, барлығында жеңіске жетсе, оның 9-ын уақытынан бұрын аяқтаған.

Енді WBA нұсқасы бойынша тұрақты чемпион атанған Н'Жикам қазақстандық боксшы Геннадий Головкиннің (37-0, 33 КО) міндетті қарсыласы атанады.

GGG келесі жекпе-жегін 16-шы қыркүйек күні мексикалық былғары қолғап шебері Сауль "Канело" Альвареспен (49-1-1, 34 КО) жұдырықтасады. Бұл кездесуде қазақстандық боксшы барлық атағын бәске қойды.

Әлеуметтік желілерде бөлісу