Головкин - Альварес жекпе-жегі Азияда өтуі мүмкін

Геннадий Головкин. Фото: HBO

Қазақстандық Геннадий Головкин (37-0, 33 KO) мен мексикалық Сауль "Канело" Альварес (49-1-1, 34 KO) арасындағы жекпе-жекті өз жерінде өткізуге тағы бір мемлекет ниет білдірді, - деп хабарлайды Vesti.kz.

Golden Boy промоутерлік компаниясының иесі Оскар Де Ла Хойяның айтуынша кездесуді БАӘ-де өткізуге ұсыныс түскен.

"Маған алдымен Дубайдан, артынша Ұлыбританиядан қоңырау шалды. Бұл жекпе-жекке бүкіл әлем қызығушылық танытып отыр. Келіссөздер басталғанда бұл мәселе толықтай шешіледі", - дейді Де Ла Хойя.

Қазіргі таңда Головкин - Альварес жекпе-жегін өткізуге сегіз спорт кешенінен ұсыныс түскен. Олардың ішінде Лас-Вегастағы, Нью-Йорк қаласында орналасқан Madison Square Garden және Далластағы AT&T Stadium стадионы секілді танымал спорт кешендері бар. АҚШ-тан бөлек Ұлыбритания астанасындағы "Уэмбли" және Мехиконың "Ацтек" стадиондары да бұл жекпе-жекті қабылдауға ынталы.

Айта кетейік, Головкиннің "Канелоға" қарсы жаттығу лагері шілде айының орта тұсында басталады. Ал мексикалық екі аптадан кейін жаттығуға оралуды көздеп отыр.

Головкин - Альварес жекпе-жегі 16 қыркүйекте өтеді. Алайда қайда өтетіні әзірше нақты белгілі болмай тұр.

Головкин - Альварес жекпе-жегі Азияда өтуі мүмкін

Әлеуметтік желілерде бөлісу