Шүменовтің карьерасы осы жерден аяқталуы ықтимал - дәрігер

Доктор Курбанов офтальмологиялық орталығының директоры Рифат Курбанов Vesti.kz порталына бірінші ауыр салмақтағы WBA чемпионы Бейбіт Шүменовтің жарақаты туралы және боксшының ем-домы қанша уақытқа жалғасуы мүмкін екенін айтып берді.

Еске салайық, 19 сәуір күні Шүменов спарринг кезінде алып қалған жарақатына байланысты бірінші ауыр салмақтағы WBA тұжырымының уақытша чемпионы, кубалық Юниер Дортикосқа қарсы өтетін жекпе-жегінен бас тартқан еді. Кейіннен қазақстандық боксшының көзінен жарақат алып, операция жасатқаны белгілі болды.

- Көздің қарашығынан алған кез-келген жарақат өте ауыр болады. Мұндай жағдайдың көбінде операция кезінде силикон салынады.

Боксшының ем-домы бір жылға дейін жалғасуы мүмкін. Жарақаттың әсері негізі біз ойлағаннан да ауыр болуы ықтимал. Тіпті бұл жерде спортшының карьерасын жалғастыра алады ма, жоқ па деген мәселе да тұруы ықтимал. Өйткені, егер көзге тағы бір соққы жасалатын болса, ол тіпті көрмей қалуы ғажап емес. Қарашықтың қаншалықта қатаюын нақты анықтау керек. Егер жақсы ем-дом қабылдайтын болса, оның емдеп шығуға болады.

- Шүменовтың өз 30-40 күннің ішінде емделіп шығамын деді. Бұл туралы не айтасыз?

- Біз оның нақты қандай жарақат алғанын білмейміз. Мүмкін жарақаты біз ойлағандай ауыр емес шығар. Біздің қолымызды оның нақты диагнозы жоқ. Оның көз қабатының тек беті сырылған шығар. Ондай жағдай тез жазылып кетеді. Бірақ құжат жоқ болғандықтан, мен нақты жауап бере алмаймын.

Әлеуметтік желілерде бөлісу