Геннадий Головкин WBA нұсқасы бойынша наурыз айының үздік боксшысы атанды

Қазақстандық боксшы Головкин (37-0, 33 КО) Бүкіләлемдік бокс қауымдастығының (WBA) нұсқасы бойынша наурыз айының үздік боксшысы атынды, деп хабарлайды Vesti.kz порталы ұйымның ресми сайтына сілтеме жасап.

Орта салмақтағы WBA (Super), IBO, WBC және IBF тұжырымдары бойынша әлем, қазақстандық боксшы Геннадий Головкин 18 наурыз күні Нью-Йорте америкалық Дэниэл Джейкобсқа (32-2, 29 КО) қарсы жекпе-жек өткізген еді. Бұл кездесуде отандасымыз 12 раундтың қорытындысы бойынша төрешілердің шешімімен жеңіске жеткен еді.

Бұл Головкин үшін кәсіпқой бокс шаршы алаңындағы 37 жекпе-жек еді. Отандасымыз барлық кездесуде жеңіске жеткен. Ал 33 жекпе-жегінде қарсыластарын сұлатып салған. Айта кетейік, бұл кездесуде Головкин карьерасында бірінші рет толық 12 раунд өткізді.

Айта кетейік, инсайдерлік ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Қазақстандық боксшы мен мексикалық Сауль "Канело" Альварес арасындағы жекпе-жек қыркүйекте өтеді деп болжан болатын.

Бірақ кеше Головкин қыркүйекте мексикалық Сауль "Канело" Альвареспен жекпе-жек өткізу үшін Сондерспен кездесу өткізуден бас тартқаны белгілі болды.

Әлеуметтік желілерде бөлісу