Жеңілмеген ұлыбританиялық боксшы Головкиннің орнына Сондерстің қарсыласы болуға дайын

Ұлыбританиялық боксшы орта салмақта өнер көрсетіп жүрген Томми Лэнгфорд (18-0, 6 КО) IFL TV арнасына берген сұхбатында өз отандасы WBO белбеуінің иегері Билли Джо Сондерспен жұдырықтасқысы келетінін айтты.

Ол, егер Сондерс қазақстандық боксшы Геннадий Головкинмен келісімшартқа қол жеткізе алмаса, шаршы алаңға өзімен шықсын деді

"Мен оны түсінемін, ол керемет ірі жекпе-жек өткізгісі келеді. Қазіргі уақытта менде WBO Interim титулын жеңіп алуға мүмкіндік бар. Егер Сондерс - Головкин жекпе-жегі өтпейтін болса, ол менімен шығуы керек. "Мен барлығына "иә"деймін және осының іспен дәлелдеймін. Мен кез-келгенімен шығуға дайынмын. Мен Билли Джомен жұдырықтасуға дайынмын - мен кез-келген қарсыласқа дайынмын", - деді Лэнгфорд.

Келесі жекпе-жегінде Лэнгфорд грузиялық боксшы WBO тұжырымы бойынша уақытша чемпион атағының иегері Автандил Хурцидземен (32-2-2, 21 КО) кездеседі. Жекпе-жек 22 сәуірде Лестерде өтеді. Негізінде Хурцидзе Сондерспен міндеттелген жекпе-жек өткізуі керек болған, алайда ұлыбританиялық боксшы бұдан сытылып кетті.

"Ол өте қауіпті қарсылас, онымен ешкім жұдырықтасқысы келмейді, - дейді Лэнгфорд Хурцидзе туралы. - Алайда сіз спортағы ең биік шыңға шыққыңыз келсе, керек кезінде қашып кетпей, ірі төбелесті қарсы алу керек. Мен секілді қабылдау керек. Мен WBO рейтингінде екінші орындамын,  маған ірі жекпе-жек берді, мен келістім, кез келген спортшы осылай істеу керек!".

"Геннадий маусымда жекпе-жекке шыққысы келеді. Сондерспен шықпаса, оның орнына Туреано Джонсон қарсылас болуы мүмкін. Маусымда кім болатынын көреміз", - деді Санчес K.O Artist Sports басылымына берген сұхбатында.

Айта кетейік, инсайдерлік ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Қазақстандық боксшы мен мексикалық Сауль "Канело" Альварес арасындағы жекпе-жек қыркүйекте өтеді деп болжанады, алайда келіссөздер әлі де жүріп жатыр.