Головкиннің жасы келді - HBO комментаторы

НВО телеарнасының комментаторы Макс Келлерман қазақстандық Геннадий Головкин мен америкалық Дэниэл Джейкобс жекпе-жегі туралы пікірімен бөлісті, деп хабарлайды Vesti.kz тілшісі.

Айта кетейік, Нью-Йорк қаласында орта салмақта WBA (Super), IBO, IBF және WBC тұжырымдары бойынша әлем чемпионы қазақстандық Геннадий Головкин WBA regular чемпионы Дэниэл Джейкобсты 12 раунд нәтижесінде ұпай санымен тізе бүктірді.

"GGG алдында не күтіп тұрғанын жақсы білді. Джейкобстың әуесқойлар арасында тәжірибесі мол. Салмағы Головкиннен ауырлау, шапшаң қимылдайды, жылдамдығы жақсы, IQ нағыз боксшыға тән, мансабында кездескен барлық кедергілерді жеңіп шықты. Боксшы ретіндегі нағыз бабына осы жекпе-жекте келді

GGG сәл осалдау көрінді. Мүмкін оның жасы сыр бере бастаған болар. 30-дың бесіне келді, жас бала емес. Алайда бұған әлі толыққанды көз жеткізу қажет. Барлығы "Канелоға" қарсы жекпе-жектен соң белгілі болмақ. Егер Альварес кіші Чавесті жеңсе, Головкинге қарсылас атанады. Дегенмен, Головкин және Гонсалестің соңғы кездесулеріне қарап, нақты бір боксшы жеңіске жетеді деп сенімді түрде айта алмаймыз. Чавестің салмағы ауырлау және жігері жанып тұр. Ал мұндай боксшылар жеңіп кетуі әбден мүмкіь", - дейді Келлерман BoxingNews24 сайтына берген сұхбатында.

Әлеуметтік желілерде бөлісу