Головкиннің промоутері бокс кешіне қанша адам келетінін айтты

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің (36-0, 33 КО) промоутері Том Леффлер бокс кешіне сатылған билеттер мен ақылы трансляциялар (PPV) арқылы қанша адам осы жекпе-жекті тамашалайтынын айтты. Бұл туралы Yahoo! Sports хабарлады.

Леффлердің айтуынша, Нью-Йорктің Madison Square Garden аренасында өтетін бокс кешіне 20 мың көрермен келеді деп күтіледі екен - "аншлаг болмаса да, соған жақын болуы мүмкін". Головкин осы аренаны 2015 жылы канадалық боксшы Давид Лемьемен өткізген кездесуінде толығымен орындарды сатқан.

PPV қатысты Леффлер кереметтей сатылымдарды күтпейді екен, алайда ол 200 мың көрсеткішке қуанатынын жеткізген.

Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Трансляцияның басталуы 19 наурызда 08:00-де.

Әлеуметтік желілерде бөлісу