Шаңғышыларымыздың 15 шақырымдағы ең үздік нәтижесі 54-орын болды

Виталий Пухкало. ©:Данияр Майлыбаев

Оңтүстік Кореяның Пхенчан қаласында ерлер арасында шаңғы спортынан еркін стильде 15 шақырымдық жарыстар аяқталды, деп хабарлайды Vesti.kz порталы.

Бұл сында Қазақстан намысын Денис Волотко, Виталий Пухкало және Евгений Велиско қорғады. Ал құрамамыздың көшбасшысы Алексей Полтораниннің бұл сынға қатыспайтыны әу баста белгілі болған еді. Ол классикалық жарысқа дайындалып жатыр.

Отандастарымыздың арасында 11 нөмірмен бірінші болып жарыс жолына Пухкало, содан соң Величко 17, ал Волотко болса 59 болып шықты. Жалпы бұл жарысқа 119 спортшы қатысты.

Жарыстың қорытындысы бойынша алтын жүлдені атақы швейцариялық Дарио Колонья жеңіп алды. Ол жарыс жолын 33:43.9 уақытта жүріп өтті. Осылайша Колонья Олимпиада ойындарында төртінші алтын жүлдесіне иеленді.

Екінші орында норвегиялық Симен Хегстад Крюгер (34:02.2) алса, үздік үштікті Ресейдің Олимпиада құраманың спортшысы Денис Спицов (34:06.9) түйіндеді.

Қазақстандық спортшылар арасындағы үздік нәтижені Пухкало (36:57.4) көрсетті. Дегенмен оның өзі 54-орынға жайғасты. Ал Евгений Величко (37:28.6) 61-ші, Волотка (37:39.8) 64-орынға тұрақтады.

Әлеуметтік желілерде бөлісу