Астанада 2018 жылғы Олимпиада ойындарына 100 күн қалуын атап өтті

Астана – Жазғы спорт түрлерінен олимпиадашы спортшылар қысқы спорт түрлерінен Қазақстан ұлттық құрама командасының мүшелеріне сәттілік тіледі. Бүгін, Пхенчхан (Оңтүстік Корея) 2018 жылғы XXIII қысқы Олимпиада ойындарының басталуына 100 күн қалды.

Қазақстан Республикасы Ұлттық Олимпиадалық комитеті мен Астана қаласының әкімдігі бірлесіп осы атаулы күнге орай дәстүрлі шараны өткізді. «Алау» мұз сарайында танымал спортшылармен бірге спорт сүйер қауымның қатысуымен жаппай сырғанау өтті.

«Қазір қысқы спорт түрлерінен спортшыларымыз қандай күйде екенін жақсы түсінемін. Олимпиада ойындарының басталуына 100 күн қалғанда ең қызу кезең басталады. Сондықтан қысқы спорт түрлерінен ұлттық құраманың мүшелеріне сәттілік тілеймін. Міндетті түрде біздің спортшыларға жанкүйер боламыз, қолдау білдіреміз», - дейді Олимпиада ойындарының күміс жүлдегері, дзюдошы Елдос Сметов.

Бүгін Елдос Сметов, Серик Сәпиев, Бақтияр Артаев, Данияр Елеусінов, Василий Левит, Гузель Манюрова, Арман Чилмановтар 2018 жылғы Олимпиада ойындарында ел намысын қорғайтын спортшыларға сәттілік тілегендердің арасында болып, шараның сұрақ-жауап сияқты ойындарына белсене ат салысты. Сонымен қатар олар коньки киіп, жанкүйерлермен бірге мұз айдында сырғанады.

Конькимен жүгіру спортынан Қазақстан ұлттық құрамасының мүшелері шеберлік сабағын өткізді. Құраманың белді мүшелерінің бірі Денис Кузин шараға қатысушыларға қолдау білдіргендері үшін алғысын жеткізді. қолдау спортшыларға қажет. Өйткені қазір олар Олимпиада ойындарына жолдама үшін қызу талас жүргізіп жатыр.

«Олимпиада ойындары без келген спортшының ғұмырындағы ең басты спорт жарысы. Сондықтан олар сол ойындарға ерекше дайындалады. Қазір басты мақсаты - Оңтүстік Кореяда өтетін Олимпиадаға іріктеліп жолдама алу. Ал ойындарда жақсы нәтиже көрсету ішін барымызды саламыз» - деді Денис Кузин.

«Олимпиада ойындарына 100 күн» шарасына Астана қаласының әкімдігі, Toyota Motor Kazakhstan, Астана жастар маслихаты. Оңтүстік Кореяда Олимпиада ойындары ақпанның 9-25 аралығында өтеді.