Мәскеулік "Спартактың" жартылай қорғаушысы Қазақстан құрамасына өту туралы ұсынысқа пікір білдірді

©championat.com

Мәскеулік "Спартак" командасының жартылай қорғаушысы Александр Зуев Sovsport.ru баслымына берген сұхбатында Қостанайда өткен балалық шағын еске алып, Қазақстан құрамасына өту туралы ұсыныс жайында айтып берді.

20 жастағы Зуев қостанайлық "Тобылдың" балаларға арналған мектебінде футболмен айналыса бастаған. 2005 жылы оның отбасы Ресейдің Челябі қаласына көшіп кетеді. Барған жерінде Зуев "Чертаново" клубында ойнайды, ал 2013 жылы мәскеулік спартак құрамасында кәсіби мансабын бастайды.

Осы жылы Ресейдің жасөспірімдер құрамасы сапында Еуро U-17 чемпионатын ұстады. Кейін осы құрамамен Еуро U-19 финалына дейін жеткен.

2014 жылы Зуев Ресейдің премьер-лигасында өнер көрсетеді. Қазіргі кезде ол Ресей біріншілігінде 22 матч өткізген. 2016 жылы Ресейдің жастар құрамасына кіреді.

Тамыз айында ресейлік БАҚ Зуевтің Қазақстан футбол федерациясынан ел құрамасы сапында ойнау туралы ұсыныс алғанын жазған еді. ФИФА ережелері бойынша бұған рұқсат етілген.

- Туып өскен Қостанайда жиі боласыз ба?

- Жылына екі рет. Онда менің әжем, ағам қалды. Достарым да көп, - дейді Зуев.

- Балалық шағыңызда есте қаларлық қандай оқиға болы?

- "Тоблыл" командасында Болгарияда өткен халықаралық турнирдегі жеңісіміз. Мен он жаста болдым. Ол кезеде бұлай шетелге шығу сирек болатын.

- Болашағынан зор үміт күттіретін футболшысыз, жасыңыз жиырмада. Егер Қазақстан құрамасында ойнау туралы ұсыныс түссе барар ма едіңіз?

- Бұл туралы ойламадым, өйткені ондай ұсыныс түскен жоқ. Ол туралы ойлаудың да қажеті не? Мақсаттарды біртіндеп қою керек.

Айта кетейік, қазір Зуев жалға беру құқығымен маусым аяғына дейін "Крылья Советов" командасында өнер көрсетеді. Осы жолғы Ресей чемпионатында Зуев алты матч өткізіп, бір рет голға пас берді.

Әлеуметтік желілерде бөлісу