Төрт футболшымыз Румыния және Армения құрамаларына қарсы кездесуге қатыса алмайды

Футболдан Қазақстан құрамасынан төрт бірдей футболшымыз әлем чемпионатының іріктеу кезең барысындағы Румыния және Армения құрамаларына қарсы кездесуге қатыса алмайды, — деп жазады Qsport.kz порталы.

Алдағы ойындарға «Астананың» клубының қорғаушысы Юрий Логвиненко мен жартылай қорғаушылары Серікжан Мужиков, алматылық «Қайраттың» жартылай қорғаушылары Георгий Жуков пен Бауыржан Исламхан қатыса алмайды.

Мужиков кеше Қазақстан Премьер-лигасы аясында «Тобылға» қарсы кездесуде алаңға шықпады. Елордалық клубтың бас бапкері Станимир Стойловтың айтуынша, футболшы жарақатына байланысты 10 күнге қатардан шығып қалған. Сондықтан ол Румынияға қарсы кездесуге қатыспай, Арменияға қарсы кездесуде ойнауы мүмкін.

Ал Юрий Логвиненко болса Еуропа лигасында «Астана» және «Славия» арасындағы ойында жарақат алып қалды. Ол екі ойынға да қатыспайды. Георгий Жуковтың да жарақаты ауыр. Ол да екі ойынға қатыса алмайды.

Бауыржан Исламхан Румынияға қарсы кездесуде алаңға шықпайды. Содан соң оның жаза мерзімі аяқталады. Сондықтан ол 8 қараша күні өтетін Армания құрамасына қарсы кездесуге қатысуы мүмкін.

Әлеуметтік желілерде бөлісу