Дания құрамасының қақпашысы Каспер Шмейхель жарақатына байланысты Германия және Қазақстан құрамаларына қарсы кездесуге қатыспайды. Бұл туралы Дания футбол одағының ресми твиттері хабарлап отыр.
Шмейхель жаттығулардың бірінде жамбасын жарақаттап алыпты. Оның орнына алдағы уақытта басқа қақпашы шақыртылады.
Айта кетейік, 30 жастағы Шмейхель Дания құрамасы сапында 25 кездесу өткізген. Оның орнына құрама қақпасын "Брондбю" командасының қақпашысы, м24 жастағы Фредерик Реннов қорғауы ықтимал..
Дания құрамасы 6 маусым күні Копенгагенде Германия құрамасына қарсы жолдастық кездесу өткізсе, 10 маусым күні Алматындағы Орталық Стадионда Қазақстан құрамасына қарсы 2018 жылғы әлем чемпионатының іріктеу кезеңі аясындағы кезекті матчын өткізеді.
Жарнама