Карло Анчелотти Италия құрамасы жаттықтыруға келісімін беріпті

Карло Анчелотти. Сурет: winner.co.uk

Футболдан Италия құрамасының жаңа бас бапкері Карло Анчелотти болуы мүмкін, деп хабарлайды Eurosport порталы Gazetta dello Sport басылымына сілтеме жасап.

Сейсенбі Италия футбол федерациясының бас директоры Мишель Ува Карло Анчелотти байланысқа шығыпты. Директор маманмен өте жақсы таныс. Себебі, екеуі "Парма" командасы сапында бірге жұмыс істеген болатын. Сөйтіп екі тарап келіссөз жүргізген. Оның қорытындысы бойынша Анчелотти Италия құрамасының тізгігін ұстауға келісімін берген. Бірақ Ува мен Анчелотти келісімшарттың кейбір тұстарын әлі ақылдасып алуы керек.

Gazzetta dello Sport басылымы таратқан мәлімет бойынша, Анчелотти Италия құрамасының тізгінін жаздай ұстайды екен.

Еске салайық, кеше Италия футбол федерациясы өзінің ресми сайтында құраманың бас бапкері Джамьеро Вентураны қызметінен босатқанын хабарлады. Оған құраманың 2018 жылы Ресей жерінде өтетін әлем біріншілігінің финалдық кезеңіне шыға алмауы себеп болған.

Айта кетейік, Италияя құрамасы тоғыспа кездесуде Швеция құрамасымен кездесіп, екі ойынның қорытындысы бойынша 0:1 есебімен жеңіліп қалды. Осылайша олар 60 жылдан бері бірінші рет әлем біріншілігінің финалдық кезеңіне шыға алмады.

58 жастағы Анчелотти болса қазан айында "Бавария" клубында қызметінен кеткеннен кейін жұмыссыз жүр. Ол бұған дейін қызметкен тек 2018 жылы ғана оралатынын айтты.

Анчелотти футболшы ретінде Италия құрамасы сапында 1981 және 1991 жылдар аралығында 26 кездесу өткізген. Ал 1992 жыл мен 1995 жылдар аралығында ол Ұлттық құрама бас бапкерінің көмекшісі қызметін атқарған.

Әлеуметтік желілерде бөлісу