Ирандық жанкүйерлер Криштиану Роналдуға дұрыс ұйықтауға кедергі келтірді

Криштиану Роналду. Сурет: Getty Images

Португалия құрамасының шабуылшысы Криштиану Роналду ирандық жанкүйерлерге қонақ үйдің жанында қатты шуламау туралы өтініш жасады, деп хабарлайды "Р-Спорт" порталы Globoesporte басылымына сілтеме жасап.

Басылымның жазуынша, Португалия құрамасының ойыншылары мен бапкерлерін Саранск қаласындағы құрама жайғасқан қонақ үйге ирандық жанкүйерлердің келгені қатты таңғалдырған. Ирандық жанкүйерлердің айғай-шуы футболшыларға ұйықтауға кедергі жасаған. Сөйтіп, Роналдудың өз терезесінің алдына шығып, маңызды ойынның алдында дұрыс тынығып алу үшін, жанкүйерлерден тынышталуды сұраған.

Айта кетейік, В тобындағы Иран мен Португалия құрамалары арасындағы кездесу дүйсенбі күні өтеді. Бұл топтағы Португалия мен Испания құрамаларында 4 ұпайдан болса, Иран құрамасында 3, ал Марокко құрамасында 0 ұпай. Осылайша, Иран, Испания және Португалия құрамалары әлем біріншілігінің плей-офф кезеңіне шығу мүмкіндігін сақтап тұр.

Video | Cristiano asking the Iranian fans outside of Portugal national team hotel to let him sleep. [RTP1] pic.twitter.com/stay4ckXcN
— Real Madrid Info (@RMadridInfo) 24 июня 2018 г.