"Астананың" бұрынғы жартылай қорғаушысы Неманья Максимович алдағы әлем чемпионатына қатысуы ықтимал

Младен Крстаич баптайтын Сербия құрамасының бапкерлер қосыны 2018 жылы Ресейде өтетін әлем чемпионатына қатысуы мүмкін деген футболшылардың кеңейтілген тізімін жариялады, деп хабарлайды Сербей футбол одағының ресми сайты. 

Бұл тізімге "Астананың" бұрынғы жартылай қорғаушысы қазіргі уақытта испаниялық "Валенсияның" намысын қорғап жүрген Максимович те кірген. 

"Астана" клубының намысын Максимович 2015 жылдың ақпан айы мен 2017 жылдың маусымына дейін қорғаған. Ол елордалық клубпен бірге екі рет Қазақстан біріншілігін, бір рет Қазақстан кубогін жеңіп, Чемпиондар лигасы мен Еуропа лигасында өнер көрсеткен. 

Ресейдегі әлем чемпионаты 14 маусым мен 15 шілде аралығында өтеді. Сербия құрамасы "Е" тобында Бразилия, Швейцария және Коста-Рика құрамаларымен бір топта ойнайды. 

Еске салайық, барлық құрама әлем біріншілігіне қатысатын 23 футболшының нақты тізімін ФИФА-ға 4 маусымға дейін жіберулері керек. Сербияның кеңейтілген құрамасы мынадай:

Қақпашылар: Владимир Стойкович ("Партизан" Белград), Марко Дмитрович ("Эйбар", Испания), Предраг Райкович ("Маккаби" Тель-Авив, Израиль), Александар Йованович ("Орхус", Дания);

Қорғаушылар: Антонио Рукавина ("Вильярреал", Испания), Александар Коларов ("Рома", Италия), Милан Родич ("Црвена Звезда" Белград), Бранислав Иванович ("Зенит" Санкт-Петербург, Ресей), Урош Спаич ("Краснодар", Ресей), Матия Настасич ("Шальке", Германия), Душко Тошич ("Гуанчжоу Фули", Қытай), Милош Велькович ("Вердер", Германия), Никола Миленкович ("Фиорентина", Италия);

Жартылай қорғаушылар: Лука Миливоевич ("Кристал Пэлас", Англия), Неманья Матич ("Манчестер Юнайтед", Англия), Марко Груич ("Ливерпуль", Англия), Адем Ляйич ("Торино", Италия), Сергей Милинкович-Савич ("Лацио", Италия), Душан Тадич ("Саутгемптон", Англия), Мият Гачинович ("Айнтрахт" Франкфурт, Германия), Филип Костич ("Гамбург", Германия), Андрия Живкович ("Бенфика", Португалия), Неманья Радоньич ("Црвена Звезда" Белград), Неманья Максимович ("Валенсия", Испания);

Шабуылшылар: Александар Митрович ("Фулхэм", Англия), Александар Прийович (ПАОК, Грекия), Лука Йович ("Айнтрахт" Франкфурт, Германия).