Жапониялық клуб ресми Иньестаның ауысқанын хабарлады

©:Soccer K

Жапониялық "Виссел Кобе" ресми түрде команда қатарына каталониялық "Барселонаның" бұрынғы жартылай қорғаушысы Андреас Иньестаның ауысқанын хабарлады.

Иньестаның команда қатарына қосылғаны туралы ақпаратты клуб бүгін, 24 мамыр күні өткен ресми баспасөз жиыны кезінде хабарлады. Келісімшарт қандай талаптар бойынша жасалғаны белгісіз болып тұр. Жаңа командасының сапында да Иньеста 8 нөмірмен ойнайтын болады.

ようこそイニエスタ！
Bienvenido Iniesta!
Welcome Iniesta!
Willkommen Iniesta!
Iniesta seja bem vindo!
ยินดีต้อนรับอิเนียสต้า!
잘오셨어요 이니에스타 !https://t.co/fXn41SrydR #vissel #BienvenidoIniesta #iniesta #WeAreKobe @andresiniesta8 pic.twitter.com/ok1mettKqj
— ヴィッセル神戸 (@vissel_kobe) 24 мая 2018 г.

Жартылай қорғаушыны көпшілікке таныстыру рәсімі 26 мамыр күні клубтың стадионы "Кобе Уингте" өтеді.

Еске салайық, бұған дейін Иньестаның "Висс командасымен 3 жылдық келісімшарт жасағаны туралы белгілі болып еді. Бұл үш жылдың ішінде ол 90 миллион доллар табыс табады. Клубтың қожайыны Хироси Микитани, "Барселона" клубының бас демеушісі Rakuten компаниясының иесі.

Айта кетейік, "Барселона" сапында Иньеста тоғыз рет Испания чемпионы атанып, алты рет ел кубогін, төрт рет Чемпиондар лигасының, үш рет клубтар арасындағы әлем чемпионатын жеңіп алды. Сондай-ақ екі рет Еуропа чемпионатын және бір рет әлем чемпионатында топ жарды.

2017 жылы "Виссел Кобе" клубының сапын германиялық шабуылшы Лукас Подольски толықтырған болатын.

Әлеуметтік желілерде бөлісу