Маған ұлттық құрамаға шақырту алу қатты маңызды емес - Оскар

Оскар. Сурет: beIN SPORTS

Қытайлық "Шанхай СИПГ" клубының бразилиялық жартылай қорғаушысы Оскар өз өміріндегі не маңызды екенін айтып берді, деп хабарлайды "Чемпионат" порталы.

Футболшының айтуынша, ол Бразилия құрамасына шақырту алу қатты маңызды емес екен. Оны отбасы мен болашағы алаңдатады.

"Әлем чемпионатына барамын ба, жоқ па маған бәрібір. Қытайға ауысқаным үшін мені көп сынға алып жатады. Бірақ мен өз отбасым және болашағым туралы ойлаймын. Қартайған кезде кедей болып, өнер көрсеткен әлем чемпионаты туралы ғана ойлағым келмейді", - деп келтіреді Оскардың сөзін Мутаз Чеаде твиттер парақшасында.

Еске салайық, Оскар "Шанхай СИПГ" командасы сапына 2016 жылы "Челсиден" 51 миллион фунтқа ауысқан болатын. Бразилиялық жартылай қорғаушының қытайлық клубтың сапындағы бір жылдық жалақысы 24 миллион еуро.

Соңғы рет Бразилия құрамасы сапында ОСкар үш жыл бұрын өнер көрсеткен еді. Айта кетейік, 2018 жылғы әлем чемпионатында Бразилия құрамасы Швейцария, Коста-Рика және Сербия құрамаларымен бір топта өнер көрсетеді.

Әлеуметтік желілерде бөлісу