Мессиді ұлттық құрамадағы әріптесі ергежейлі деп атады

©: Eurosport

Франциялық "Пари Сен-Жермен" клубы мен Аргентина құрамасының жартылай қорғаушысы Анхель Ди Мария 2018 жылы өтетін әлем чемпионатына Ұлттық құрамаға іріктеу қалай өтетінін айтып берді, деп жазады Sport.es

Жартылай қорғаушының айтуы бойынша Аргентина құрамасының бапкері Хорхе Сампаоли тек "Барселона" шабуылшысы Лионел Мессиге ғана Ұлттық құрама сапында нақты орын бар екенін айтқан.

"Шынымды айтсам, Ұлттық құрамадан өзімді көрмеймін, себебі Сампаоли жалғыз ергежей Мессидің ғана сенімді түрде Әлем чемпионатына баратындығын айтты. Ал қалғандары құрама сапындағы орын үшін таласады. Егер Мессиден басқа футболшылар әлем чемпионатына баратын құрамаға ілігемін десе, олар қателеседі.

Месси маған кедергі жасамайды. Керісінше онымен бірге ойнаған ұнайды. Оның командаға пайдасы зор", - дейді Ди Мария.

Айта кетейік, Месси "Барселона" мектебінде бойының аласа болғаны үшін (170 сантиметр) "ергежей" лақап атын алған. Шабуылшы әлем чемпионатына іріктеу ойындарының он кездесуінде жеті гол салды.

Еске салайық, 2018 жылғы әлем чемпионаты Ресей елінде маусым айынының 14 күні басталып, шілде айының 15 күні аяқталады. Дода Ресейдің 11 қаласындағы 12 стадионда өтеді. Бұл чемпионаттың топтық кезеңінде Аргентина Хорватия, Исландия және Нигерия командаларымен бір топта ойнайды.

Әлеуметтік желілерде бөлісу