"Реал" Неймарды алу үшін ПСЖ-ға Роналдуды беруге дайын

©: cbc.ca

Мадридтік "Реал" бразилиялық шабуылшы Неймарды қатарларына қосу үшін француздық ПСЖ клубына Криштиану Роналдуды беруге дайын. Бұл туралы испаниялық Cadena SER радиосы хабарлайды.

Дереккөздің мәліметі бойынша, "Реал" президенті Флорентино Перес Неймарды сатып алу үшін ПСЖ-ға Роналдуды және оның үстінен тағы ақша беруді ойластырып отыр. Трансфер шілде айында, әлем чемпионаты аяқталғаннан кейін болуы мүмкін.

Неймар жазда "Реалдың" басты трансферлік мақсаты болады екен. Мадридтік клуб бұл шабуылшына 2017 жылы сатып алғысы келген. Бірақ оның "Барселонадан" тікелей сатып ала алмады.

Бұған дейін БАҚ "Реал" Неймар үшін 500 миллион еуроға шығындалуға дайын екенін жазды. Ал өткен жазда ПСЖ бразилиялық шабуылшыны 222 миллион еуроға сатып алып, трансферлік рекорд орнатты.

32 жастағы Роналду "Реал" сапына 2009 жылы 93,4 миллион еуроға "Манчестер Юнайтед" клубы сапынан ауысып келген еді. Бұл кезде аталған сомма әлем футболындағы рекордтық көрсеткіш болып тіркелді.

Әлеуметтік желілерде бөлісу