Қазақстан құрамасының бұрынғы бапкері неміс бундеслигасында өнер көрсететін команданы жаттықтыруы мүмкін

Бернд Шторк. Reuters©

Неміс бундеслигасында өнер көрсететін "Кельн" командасының тізгінін Бернд Шторк ұстауы мүмкін. Бұл туралы Express.de порталы Kölner Stadt-Anzeiger газетіне сілтеме жасап хабарлайды.

Сонымен қатар "Кельн" командасының бас бапкері болуыға Маркус Анфаг, Йенс Келлер және голландиялық маман Йос Лухукай үмітті.

Турнир кестесінде соңғы, 18-орында келе жатқан "Кельн" 3 желтоқсан күні бас бапкері Петер Штегерді қызметінен босатты. Ол арада бір аптадан кейін дортмундтық "Боруссия" клубының бас бапкері болып бекітілді.

Қазіргі уақытта "Кельн" клубының бас бапкері қызметін уақытқа Стефан Рутенбек атқарып келеді. Рутенбек осы уақытқа дейін команданың жастар құрамын жаттықтырған.

Бұған дейін Шторк бундеслигада "Штутгарт", "Герта", "Вольфсбург" және дортмундық "Боруссия" клубтарында бапкердің көмекшісі болып қызмет атқарған. 2008 жылы ол отанын кетіп, төрт жыл Қазақстанда қызмет атқарды. Елімізде ол Қазақстан жастар, жасөспірімдер, Ұлттық құрама және "Алма-Ата" мен "Цесна" клубтарының жаттықтырушысы болды.

2015 жылдан 2017 жылғы дейін 54 жастағы маман Венгрия құрамасының бас бапкері болып, құраманы 2016 жылғы Еуропа біріншілігінің финалдық кезеңіне алып шықты. Неміс маманын Венгрия қрамасынан 2018 жылғы әлем біріншілігінің іріктеу кезеңін сәтсіз өткізгені үшін қызметінен қуып жіберді.

Әлеуметтік желілерде бөлісу