"Халл Сити" ресейлік бас бапкері Леонид Слуцкийді қызметінен қуып жіберді

Леонид Слуцкий. Сурет: "Халл Сити"

"Халл Сити" ресми түрде клубтың ресейлік бас бапкері Леонид Слуцкийді қызметінен қуып жіберді.

Клуб пен бапкер екі жақты келісім бойынша шартнаманы бұзған. Слуцкиймен бірге "Халлдан" команданың стратегиялық директоры Олег Яровинский де кеткен. Ол команда сапында екі ай ғана қызмет етті.

Ресейлік маман болса "Халл" тізгінін маусым айында ұстады. Оның бастамасымен "Халл" 20 ойын өткізіп, төрт рет жеңіске жетсе, тоғыз рет жеңіліп, жеті рет тең ойнады.

"Халл" командасы Чемпионшипта қатарынан жеті ойында жеңіске жете алмай келеді. Қазіргі уақытта клуб Чемпионшипта 20-орында келеді. Еншілерінде 19 ұпай бар.

Айта кетейік, Слуцкий 2016 жылдың желтоқсан айында мәскеулік ЦСКА клубынан кеткен еді. Оның бастамасымен ЦСКА клубы үш рет Ресей чемпионы атанса, екі реттен Ресей кубогы мен Суперкубогын жеңіп алды. Сонымен қатар Слуцкий Ресей құрамасын 2016 жылғы Еуропа чемпионатының финалдық кезеңіне алып шықты.

Әлеуметтік желілерде бөлісу