Гранквист Швецияның үздік футболшысы, Ибрагимович екінші орында

Златан Ибрагимович және Андреас Гранквист. Сурет: Ludvig Thunman/Bildbyrån

Ресейлік "Краснодар" клубының қорғаушысы Андреас Гранквист ағылшындық "Манчестер Юнайтед" клубының шабуылшысы Златан Ибрагимовичтен озып, Швецияның үздік футболшысы атағын жеңіп алды. Бұл туралы "Р-Спорт" порталы Fogis.se басылымына сілтеме жасап хабарлайды.

Жеңімпазды марапаттау рәсімі дүйсенбі, 20 қараша күні өтті. 2016 жылғы Еуропа біріншілігінен кейін Ұлттық құрама сапындағы карьерасын аяқтаған Златан Ибрагимович 2007 және 2016 жылдарға дейін қатарынан он жыл Швецияның үздік футболшысы атанып келген еді.

"Маған және біздің құрамамызға керемет қолдау білдірген Швеция халқына ерекше алғысымды айтқым келеді. Сіздермен бірге біз енді әлем чемпионатында өнер көрсетеміз", - деді 2013 жылдан бері "Краснодар" командасында өнер көрсетіп келе жатқан 32 жастағы қорғаушы.

Айта кетейік, өткен маусымда Гранквист "Краснодар" сапында 43 кездесуге қатысты, ал 2017 жылы ол Ұлттық құрамасы сапында тоғыз кездесу өткізді.

Швеция құрамасы болса тоғыспа кездесуде Италия құрамасы 1:0 есебімен жеңіп, келесі жылы Ресей жерінже өтетін әлем біріншілігінің финалдық кезеңіне шықты.

Швецияның үздік бұрымды футболшысы атағы "Линченпингтің" жартылай қорғаушысы Косоваре Асланниге бұйырды.

Әлеуметтік желілерде бөлісу