"Реал" Зиданның орнын бастатын маман тапты

Сурет: Антон Денисов / РИА Новости

Мадридтік "Реал" команданың бас бапкері Зинедин Зидан қызметінен кететін болса, оның орнына Германия құрамасының бапкері Йоахим Левті шақырмақшы. Бұл туралы испаниялық Don Balon басылымы хабарлап отыр.

Дереккөздің мәліметі бойынша, мадридтік команданың басшылары ұжымның қазіргі нашар көрсеткіштеріне алаңдап отыр. Бірақ клубтың президенті Флорентино Перес франциялық бапкерге сенеді. Дегенмен де президент қазірдің өзінде Зиданның орнын басатын маманды тауып қойыпты.

Перес Левпен келіссөздер жүргізіпті. Келіссөздің қорытындысы бойынша, неміс маманы келісімін берген екен.

Зидан "Реалдың" тізгінін 2016 жылдың қаңтар айында ұстады. Содан бері ол ұжыммен Испания суперкубогы, клубтар арасындағы әлем чемпионаты, екі рет Чемпиондар лигасы, УЕФА Суперкубогын жеңіп алды. Ал 2017/18 жылғы маусымда "Реал" Испания біріншілігінде оныншы орында келеді. "Карольдік клуб" қазір "Барселонадан 10 ұпай қалып тұр.

Лев болса 2006 жылдан бері Германия құрамасының бас бапкері қызметін атқарып келеді. Оның бастамасымен Германия құрамасы 2014 жылы әлем чемпионатын жеңіп алды.

Әлеуметтік желілерде бөлісу