"Сток Ситидің" бұрынғы футболшысы 25 жасында мерт болды

Дионатан Тейшейра. Сурет: Eurosport Asia

Аңылшындық "Сток Сити" мен тираспольдік "Шариф" клубының бұрынғы қорғаушысы Дионатан Тейшейра Бразилияда 25 жасында мерт болды. Бұл туралы "Р-Спорт" басылымы Еsporte.uol.com.br порталына сілтеме жасап хабарлайды.

Басылымның мәліметі бойынша, Тейшейра Парана штатындағы Лондрин қаласында жолдастарымен футбол ойнап жатқан кезде жүрегі тоқтап қалған.

"Шериф" клубының барлық ұжымы бұл жаңалықты естіп, төбесінен жәй түскендей болды. Орны толмас өкініш. Дионтанның барлық туыстары мен отбасына көңіл айтамыз. Ол мәңгілік біздің жүрегімізде қалады"-, делінген "Шериф" клубының ресми сайтындағы хабарламада.

"Сток Стит" клубы да қорғаушының отбасы мен жақындарына қайғырып, көңіл айтты.

Айта кетейік, Тейшейра Еуропадағы карьерасын "Кошице" командасында 2009 жылы бастады. 2012 жылы ол командадан кетіп, 2013-2014 жылдары "Дукла" командасының намысын қорғады. Ал 2014 жылдың жазында ол "Сток Сити" клубымен келісімшарт жасады. Бірақ ағылшындық клуб сапында ол небәрі екі ғана кездесу өткізді. 2017 жылы қорғаушы "Шериф" сапына ауысып, Молдавия біріншілігінің чемпионы атанды. Сол жылы ол Словакия азаматтығын алып, елдің жастар құрамасы сапында өнер көрсетті.

Әлеуметтік желілерде бөлісу