Карло Анчелотти "Лестердің тізгінін ұстауы мүмкін

Сурет "Баварияның" ресми сайтынан алынды.

Ағылшындық "Лестердің" қожайындары италиялық маман Карло Анчелоттиге команданың тізгінін ұстатқысы келеді. Бұл туралы The Telegraph басылымы хабарлайды.

Кеше, 17 қазан күні Daily Mail басылымы "Лестер" клубы Крейг Шекспирді қызметінен босатқанын хабарлады. Ол бұған дейін команданың бас бапкері болып келген италиялық Клаудио Раньеридің көмекшісі болып келді. Ал ақпан айында Раньери қызметінен кеткеннен кейін, команданың бас бапкері атанды.

28 жастағы Анчелотти болса қыркүйек айының басында "Бавария" клубынан кеткен еді. Ал Ағылшын біріншілігінде ол бұған дейін "Челсидің" тізгінін ұстап, 2009/10 жылы чемпион атанған болатын.

Айта кетейік, 2011 жылдан бастап "Лестер" командасын таиландтық кәсіпкер Вишай Шривадданапрабхтың King Power компаниясы басқарып келеді. Дәл осы кәсіпкер Анчелттиді командаға шақыруға ниетті. Қазіргі уақытта "Лестер" қожайынының байлығы 4,7 миллиард долларға тең келеді.

Еске салайық, "Бавариядан" кеткеннен кейін Анчелотти Еуропадағы биылғы маусым аяқталғанша ешқандай команданың ұсынысын қабылдамайтынын айтты.

Әлеуметтік желілерде бөлісу