"МЮ" Месут Өзілді сатып алуы мүмкін

«Лондондық «Арсенал» клубының жартылай қорғаушысы алдағы уақытта «Манчестер Юнайтед» клубының сапына ауысуы мүмкін. Бұл туралы The Independent басылымы хабарлайды.

Германия құрамасының жартылай қорғаушысының «Арсенал» клубымен келісімшарты 2018 жылдың жазында аяқталады. Клуб пен футболшы келісімшартты ары қарай ұзартпайды.

Басылымның мәліметі бойынша, лондондық клубтың басшылары футболшыны тегін жібермеу үшін 28 жастағы Өзілді қыста «Манчестер Юнайтед» клубына сату туралы шешімге келіпті. Өз кезегінде «МЮ»-дың бас бапкері Жозе Моуриньо да Месут Өзілді сатып алуға қарсы емес. Бірақ жартылай қорғаушының трансферлік құны тым қымбат болып тұр. Әлемдегі барлық футболшының трансферлік құнын анықтап отыратын Transfermarkt порталы неміс ойыншысын 50 миллион евроға бағалап отыр.

Еске салайық, Месут Өзір «Арсенал» сапында 2013 жылы мадридтік «Реал» сапынан ауысып келген еді. Биылғы маусымда ол лондондық клуб сапында 7 ойын өткізіп, 1 гол соққан.

Әлеуметтік желілерде бөлісу