Роналду, Месси және Буффон. Еуропаның үздік футболшысы атануға кім лайық?

УЕФА Джанлуиджи Буффон (Италия, "Ювентус"), Лионель Месси (Аргентина, "Барселона") және Криштиану Роналдуды (Португалия, "Реал") 2018/17 жылғы маусымның үздік футболшысы атағына басты үміткер ретінде таңдап алды, деп хабарлайды ұйымның ресми сайты.

Еуропаның үздік футболшысы 24 тамыз күні Монакода 2017/18 жылғы маусымдағы Чемпиондар лигасы топтық кезеңінің жеребесі тартылатын сәтте анықталады.

Үздік үштіктің есімдері бір ай уақыттың ішінде 2016/17 жылғы маусымда Чемпиондар лигасы мен Еуропа лигасында өнер көрсеткен клубтардың бас бапкерлері мен Еуропа спорт басылымы қауымдастығына (ESM) мүше 50 тілшілер мен УЕФА өкілдері дауыс беру арқылы жасақталды. Оның қорытындысы бойынша Лионель Месси, Джанлуиджи Буффон және Криштиану Роналду таңдалынып алынды.

Үздік үштікке енбеген үздік ондықтық тізімі келесідей:

4: Лука Модрич (Хорватия, "Реал")
5: Тони Кроос (Германия, "Реал")
6: Пауло Дибала (Аргентина, "Ювентус")
7: Серхио Рамос (Испания, "Реал")
8: Килиан Мбаппе (Франция, "Монако")
9: Роберт Левандовски (Польша, "Бавария")
10: Златан Ибрагимович (Швеция, "Манчестер Юнайтед")

Месси мен Роналду бұл атақты екі-екі реттен жеңіп алған. Аргентиналық шабуылшы 2010/11 және 2014/15 жылдары үздік атанса, португалиялық шабуылшы 2012/13 және 2015/16 "қарт құрлықтың" ең үздік футболшысы атанды.

Айта кетейік, 25 тамыз күні, Еуропа лигасының 2017/18 жылғы маусымының топтық кезең жеребесі тартылатын күні бұл турнирдің де үздіктері анықталады. Бұл атаққа "Манчестер Юнайтедтің" үш ойыншысы - Златан Ибрагимович, Генрих Мхитарян және Поль Погба үмітті.

Әлеуметтік желілерде бөлісу