"Реалдың" бұрынғы бапкері Германия құрамасын Астанадағы турнирге бастап келеді

Мадридтік "Реалдың" бұрынғы бапкері Бернд Шустер Астанада өтетін EXPO-2017 Football Cup турнирінде Германияның аңыздар құрамасын бастап келеді, - деп хабарлайды Vesti.kz.

"Реала", "Бешикташ", донецкінің "Шахтері", "Леванте", "Хетафе" және"Малага" клубтарының бұрынғы жаттықтырушысы Бернд Шустер Астанаға Германияның ардагерлер құрамасын бастап келеді. Оның бастауымен EXPO-2017 Football Cup жарысында Дитар Бурденски, Дариуш Вош, Фабиан Эрнст, Томас Брдарич 90-шы және 2000-шы жылдарытанымал болған Германияның өзге де футболшылар ыөнер көрсетеді. Олардың ішінде "Астана" командасын жаттықтырған Хольгер Фах болатынын айта кету керек.

Халықаралық EXPO-2017 Football Cup турнирі 5-6 тамыз аралығында "Астана Арена" алаңында өтеді. Германиядан бөліек бұл жарысқа Италия, Португалия, Ресей, жұлдыздар құрамасы және Қазақстан командалары қатысады. Бл күні алаңға Эрнан Креспо, Гаиска Мендьета, Яри Литманен, Жереми Нжитап, Жан-Пьер Папен, Валерий Карпин, Роман Широков, Манише, Дино Баджо, Луиджи Ди Бьядж сияқты атақты ойыншылар шығады.

Қазақстан мұндай көлемді турнирге алғаш рет қатысып отыр. БАс бапкер Борис Глушков және оның көмекшісі Григорий Бабаян бұл жарысқа Данил Рихард, Андрей Карпович, Асхат Қадырқұлов, Андрей Богомолов, Руслан Гумар, Максим Самченко, Қайрат Әубакіров, Мұрат Тілешев, Андрей Финонченко, Алексей Клишин, Рафаэль Уразбахтин және Сергей Жуненконы шақырды.

EXPO-2017 Football Cup турниріне билет құны 2000 теңге. Сонымен біре, бұл билеттер арқылы кез келген күні сағат 18:00-ден кейін EXPO-2017 көрмесін аралауға болады.

Әлеуметтік желілерде бөлісу