Хави осы маусымнан кейін карьерасын аяқтайтын болды

Катардың "Әл-Садд" клубының жартылай қорғаушысы 2017/18 маусымнан кейін карьерасын аяқтайтын болды. Бұл туралы Sports.ru порталы хабарлайды.

"Бұл менің футболшы ретінде соңғы маусымым. Содан соң мен карьерамды аяқтаймын. Бірақ футболда қаламын. Алдағы уақытта бапкер болуды жоспарлап отырмын. Қазір емес. Өйткені, мен бапкерліктің қыр-сырын толық білмеймін. Әлі оқуым керек. Содан соң ғана бапкерліктің қамытын киемін", - дейді Хави.

Еске салайық, 37 жастағы Хави "Барселона" сапында 1998 жыл мен 2015 жылдар алағында өнер көрсетіп, каталониялық клуб сапында 505 кездесуге қатысып 58 гол соққан. Ал 2015 жылы ол катарлық "Әл-Садд" клубының намысын қорғап келеді.

"Барселона" сапында ол сегіз рет Испания біріншілігін, үш рет Испания кубогын, алты рет Испания Суперкубогын, төрт рет Чемпиондар лигасын, екі рет УЕФА Суперкубогын, екі рет клубтар арасындағы әлем чемпионатын жеңіп алған.

"Аль-Садд" клубымен Катар пашасының кубогын және Катар эмирінің кубогын жеңіген.

Әлеуметтік желілерде бөлісу